ഗുരു
=====
പ്രകാശമാണ് പിറന്നത്!
പിന്നെ ഞാൻ എന്ന് പേരിട്ടതാണ്.
എല്ലാവരും അങ്ങനെ തന്നെ ആണ്.
കേട്ടതും-
പറഞ്ഞു കൊടുത്തതും-
എഴുതിയതും-
ധാരണ-ബുദ്ധന്റെ 'മിഥ്യ'.
എന്റെ ധാരണ,
നിന്റെ ധാരണ,
നമ്മുടെ ധാരണ,
എല്ലാം മിഥ്യ!
പ്രകാശം പ്രകാശമല്ലാതാകുന്നുമില്ല!
ധാരണ വന്നു മൂടിയതാവം-
ഞാൻ വളർന്നു പടർന്നതുമാവാം-
പ്രകാശം അണയുന്നുമില്ല!
ഗുരു!
'പ്രകാശം ഉണ്ട്' എന്ന് പറയാൻ വന്നവൻ.
ജ്വലിക്കാം എന്ന് പറഞ്ഞവൻ.
ഗുരു ഒരാൾ* ആണെന്ന് എന്റെ ധാരണ.
================================
*ഒരാൾ - ഒരു മനുഷ്യൻ
